Диде, диде ....агь чан диде!
Вун амай кьван зун я куьрпе
Авачир са гъамни хиве,-
Вун рагъ я авай чи рик1е.
-Инсанвилел дуьнъя гьала, -
Лугьудай на мукьвал мукьвал, -
Ийимир гьа уьзуькъара,
Хъуьруьрмир алайди патал.
Вегьиз тахьуй бармак чиниз
Бубадинни, руш, стхайрин.
Гьуьрмет ая хайи чилиз,
Адетарни хуьх убайрин.....
Ганай, диде, на тапшуругъ
Илифрайла бубад к1валел.
Къен алама рик1ел а югъ -
Авуднач за бармак вилел.
__________
Виш яшарив агакьрай чеб,
Галат течиз эч1ягъай кьеб.
Япарама верц1и лай-лай
Заз кьеп1инихъ дидед ягъай.
Инсанвилин чешне хьана
Дидейри чаз тарсар гана:
Сабурлувални къенивал...
Хайи Ватандин чимивал.
Диде, диде, агь чан диде...
© Copyright: Гасанова Гюзеля, 2014
Свидетельство о публикации №114110408965
Свидетельство о публикации №114110408965
Рецензии