Мад къведа зун
Хар галаз марф атайтIани,
ЦIайлапанра гьатайтIани,
Мад къведа зун ви расалдиз,
Гьавади лап гатайтIани!
Аязди як атIайтIани,
Шавхунди къуй ягъайтIани,
Мад къведа зун ви расалдиз,
Мекьи накъвар гъайитIани!
Дидедиз хъел атайтIани,
Бубади рехъ тагайтIани,
Мад къведа зун ви расалдиз,
Гуьзета на вуч хьайтIани!
ЖакьвайтIани микирди чун,
Алчахвили кутач зурзун,
Мад къведа зун ви расалдиз,
Гьич буьгьтенрихъ чIалахъ жеч зун!
Гьатна кIеве,винел къвез цав,
ЦIук рахайтIа,танди гуз нав,
Мад къведа зун.Ван къвезвани?
Капарални … агакьда вав!
Амма нагагь квахьайтIа гел,
Зун галачиз югъ хьайила,
Минет хьурай:татуй ваз хъел!
Чир хьухь,амач мад зун гила…
Э. Асадов. Все равно приду...
© Copyright: Билал Адилов, 2014
Свидетельство о публикации №114110204624
Свидетельство о публикации №114110204624
Рецензии