Ня вер гадзіньнікам,
літарам, паперы,
моцнаму напою,
дыму цыгарэт ня вер чужых.
Ня вер паштоўкам,
пашталёнам,
тэлекамэрам,
постаці ў люстэрку ня вер…
Ня вер сьвятлу манітора,
зьзяньню зор,
што словы, зьляцеўшыя з вуснаў
- праўда.
Ня вер, што той, хто пакліча
- твой сябра,
хто грукае ў дзьверы
- прыйшоў з дабром.
Ня вер тым вачам, што насупраць,
ня вер.
Бо перад табою
- зьвер.
(5.02.2006)
Ня вер гадз1ньн1кам...
© Copyright: Владлена Вербицкая, 2014
Свидетельство о публикации №114103009014
Свидетельство о публикации №114103009014
Рецензии