"И дуьньядал кайи ксар сад зун я,яр, масадни-вун!" (Халкьдин ч1аларай).
Багьа я заз яхц1ур йисан мензилдай
Кьисметди заз савкьат авур к1анивал.
Регъуьвилел зи хурудал эцигай
Накъвар алай ви хъуьхъверин чимивал.
Ашкара я:ашкъидин ц1ал хелветдин
Кабаб вуна авуна зи рик1икай.
Низ кьисметна зи гьалал тир женнетдин
Няметар на, вахчуна зи виликай?
Умуд цана, вахт атайла бегьердин,
Темягь фейи, агакьай ник гуьз хьанач.
Алцурарна, ракъурдайла сефердиз,
Акьул гудай камаллу кас куьз хьанач?
Жаваб авач,гена вахтар фейила,
Асул себеб к1евирнава маргъалри:
Дуьньядилай заз вун масан хьайила,
Вучиз закай иес хьана суалрин?
Иес я зун суалрин...
© Copyright: Камил Акимов, 2014
Свидетельство о публикации №114103001898
Свидетельство о публикации №114103001898
Рецензии