М. Лермонтов Не уезжай, лезгинец молодой...

 
М. Лермонтов Не уезжай, лезгинец молодой...
Билал Адилов
 
М. Лермонтов
 Жегьил лезги, хъфимир вун ватандиз…
 
-Жегьил лезги, хъфимир вун ватандиз,
Вучиз гала къалабулух  ви рикIик?
Дагъдава циф, тади фенва балкIандиз,
Ваз и патар  хуш я эхир,  са кIвал хьиз,
Зазни я   вун кIани  гьикI!   

Фенани бес  гьакI ярарин  гелеваз,
Женнет хьтин, кьве йифен хуш байихар;
Кесиб я зун: авач савкьат гудай ваз,
Амма ихьтин  руьгь  халикьди ганва заз,
Гьа  ви руьгьдиз тир ухшар .

Серин юкъуз атанай вун и патаз;
Кавалдал кьеж, чинал яман гъам алаз;
Мегер икьван рагъ кIани тир чIавуз заз,
Ваз хуш яни, эквера  икI  мичIер тваз,
Сефилвал гъин и йикъаз?

Килиг вуна: кьуд пад кьуна вили сув,
Кьакьанвилив къургъар гудай  кIеретI хьиз;
Яран нурар, валар - адан  ярашугъ;
Азад я чун; вучиз  хиял,  гана лув,
Физва  чара дигедиз?


Чун кIанибур авай чил  я, ватан чаз,
ЧIалахъ хуьхь ша, вун  гуьзетун туш ният
А вилерин, са чIавуз наз гудай ваз.
Гьич тахьайтIа, са югъ амукь захъ галаз,
Яб це вуна!  Са сят!

 
-Авач заз  гьич я ватан, я  дустарни,
БалкIандилай, гапурдилай са чара;   
Бахтавар я акунал  ви къастарни,
Амма лугьун, ажуз я а накъварни,
Зун тунал и  патара.

Руьгь залан я- ивидал за кьин  кьуна,
Шумуд йис я къекъвезва икI, квахьна  кьил,
Душмандилай кьисас къахчун тавуна,
Гьич лугьудач  зи пIузарри: кIан хьана.
Им ваз жаваб: къачу гъил.


(лезги ч1алаз элкъуьрайди Билал АДИЛОВ я)

------------------------------------------

Михаил Лермонтов
«Прощанье»(Не уезжай лезгинец молодой...)

Не уезжай, лезгинец молодой;
Зачем спешить на родину свою?
Твой конь устал, в горах туман сырой;
А здесь тебе и кровля и покой,
      И я тебя люблю!..

Ужели унесла заря одна
Воспоминанье райских двух ночей;
Нет у меня подарков: я бедна,
Но мне душа создателем дана
      Подобная твоей.

В ненастный день заехал ты сюда;
Под мокрой буркой, с горестным лицом;
Ужели для меня сей день, когда
Так ярко солнце, хочешь навсегда
      Ты мрачным сделать днем;

Взгляни: вокруг синеют цепи гор,
Как великаны, грозною толпой;
Лучи зари с кустами — их убор:
Мы вольны и добры; — зачем твой взор
      Летит к стране другой?

Поверь, отчизна там, где любят нас;
Тебя не встретит средь родных долин,
Ты сам сказал, улыбка милых глаз:
Побудь еще со мной хоть день, хоть час,
      Послушай! час один!

— Нет у меня отчизны и друзей,
Кроме булатной шашки и коня;
Я счастлив был любовию твоей,
Но всё-таки слезам твоих очей
      Не удержать меня.

Кровавой клятвой душу я свою
Отяготив, блуждаю много лет:
Покуда кровь врага я не пролью,
Уста не скажут никому: люблю.
      Прости: вот мой ответ.