Булахд кьилел -тек ц1велин тар,
Пакдиз хвена вена чи сир.
Ч1урнач вуна чи гаф-икьрар,
Садбуруз вин авач къадир.
Йисарилай, гьа вилик хьиз,
Рик1ераваз ашкъидин ц1ай,
Атанва ваз алхишар гъиз,
Чи пак тир п1ир-гуьруьшдин тар.
Вал кут1унай савкьват-яйлух
Къе тек туш, мад ала ц1ирхер.
Вахъ к1анибур хьанва артух,
Артух хьанва ц1ийи сирер...
Рик1ел хкваш, шумуд сефер
Ви сериндик атанай чун.
Ваз акунай сифте темен,
Сифте сефер "к1анда"- лугьун.
Сифтегьан зи ашкъид сегьер
Акунай заз себеб яз вун,
Гъизвачт1ани вуна бегьер,
Са бахт я вун "п1ир" яз акун.
И дуьньядал п1ирер,туш сир,
Пара ала, авачиз сан...
Амма вун, зи "Ашкъидин п1ир",
Виридалай я заз масан!
Ашкъидин п1ир
© Copyright: Куьре Абид, 2014
Свидетельство о публикации №114102606474
Свидетельство о публикации №114102606474
Рецензии