Рик1ик гъейрид гьич акатзвач,
Мад рушарив зун рахазмач,
Маса рушар заз аквазвач,
Валай иерд акунач заз!
Гьуьруь хьтин икьван иер,
Лацу чинал яру хъуьхъвер
П1узарални алай пак хъвер ,
Валай иерд акунач заз!
Кифер дабан гатазавай,
Ширин мецел рахазавай,
Т1авус къуш хьиз аквазавай,
Валай иерд акунач заз!
Вун гуьрчег я цуькверилай,
Цава авай гъетерилай,
Вун вегьеч за гъилерилай,
Валай иерд акунач заз!
Чи вахт къведа ая сабур,
Т1армир зи рик1 ,хуьх зи хатур,
Рушарикай икьван акур
Валай иерд акунач заз!
Вун иер я
© Copyright: Владик Батманов, 2014
Свидетельство о публикации №114102310560
Свидетельство о публикации №114102310560
Рецензии