ГъащIэм къимыгъэзэжыну щIы уи фIэщ

Сэ  аргуэру уэ сыногупсысыр
КъыскIэрыхъыжъащ  зы гукъэкIыж
Сыздэщысым си нэхэр мэпльызыр
Уэ уи нэгур си гум схуимыкIыж.
ПщIэжрэ, ФатIимэ, а пщыхьэщхьэр?
Укъэслъыхъуэу укъыщызгъуэтар?
СыукIытэу субыдын уи Iэщхьэр
СымыукIытэу ба уэ щыпхуэсщIар?
А зы бар иджыри къэс согъэвыр.
Схуэмыгъэвыр абы къырикIуарщ:
«Ар изгъэкIыжащ, умыгузавэ» - жыпIэри си фIэщ ар зэрыпщIарщ.
Псори пщIащ езыр узэрыхуейуэ,
Сигугъакъым уэ сыкъэбгъэпцIэн.
ГъащIэм сыкъыхэбгъэкIыжри хейуэ
«ИкIыжам» удэкIуэжащ , сыт сщIэн.
Ар апхуэду хъуащ , алыхь Iэмырти,
Iум  къыщыхъуми гуащIэ, езгъэхащ.
Гум щызгъафIэу сиIэр сэ уэ зырти
Лъагъуныгъэм и псэр сфIыхэпхащ.
Зы илъэсри кIуащ  лъагъуныгъэншэу
Си ныбжьэгъухэм бампIэр сщхьэщахащ.
Ауэрэ згъэкIуэнт си гъащIэр пщIэншэу?
НэгъуэщI цIыхубз  сигум  ирихьащ.
Уэщхьыу ар кинохэми сымышэт
И гуэпагъкIэ сыкъыдихьэхащ.
ЩIэплъэм си нэм си гум ильыр къищIэрт
Си гу пчэтхъар мыузу схуидыжащ.
Сэ сыхуейкъым пщIам ущIегъуэжыну
ГъащIэм къимыгъазэ щIы уи фIэщ.
Ауэ,  сыхумейуэ сыжеину
Согупсысу згъакIуэр мы зы жэщ.
Абы къикIкъым сэ уэ щхьэкIэ  сылIэу,
Ар къезэгъкъым ди ныбжъ здынэсам.
Ауэ жызмыIэнут сытIоулIэу
Зэ сымылIэу зы ба пхуэсщIыжам.
ЗэкIэ куэдщ зыпызогъэу си тхыныр,
КъозгъэщIащ гухэльыр зэрыпсор.
ЦIэ пфIэсщынут , сщIэркъым къыхэсхыныр
ТIимэ, ТIимкэ, ТIимочкэ си фо!