Песня о Витебске

на белорусском языке

Заснаваны даўно, побач з Віцьбай, Дзвіной,
І таму назва гэткая дадзена,
Шмат гадоў праплыло, Віцебск, па-над табой,
Шмат паданняў і казак тут складзена.

Прыпеў:       Віцебск – горад майстроў, ты заўжды малады,
                Ты, як песня славянская, шчырая,
                Зноў шматлікіх сяброў шлях прыводзіць сюды –
                Добра ім тут, як птушкам у выраі!

На гандлевым шляху Віцебск цвёрда стаяў,
Хоць былі і часы ліхалеціцы,
Вораг колькі разоў спальваў і разбураў,
Толькі Віцебск зноў – зоркаю свеціцца!

Прыпеў

Тут Славянскі базар не сціхае шуміць,
Тут крыніцы натхнення ёсць поўныя,
Закаханы дуэт над Зямлёю ляціць –
Ад Шагала – у высі чароўныя!

Прыпеў

Шмат адметных людзей, шмат адметных мясцін,
Сведка ёсць Магдэбурскага права,
У краіны сваёй, Віцебск, ты – годны сын,
Віцебск – песня, наш гонар і слава!

Віцебск ты – гонар наш, табе слава!

                фото автора