Зун атанва ваз салам гваз...
Зун атанва ваз салам гваз,
Акъатна рагъ, лугьун патал,
Адан чими нурар акьаз
КъугъвазватIа гьикI пешерал.
Лугьун патал, къвезва чандал
Къарагъна рук, гьар са хел гьикI,
Гьар са къушни юзаз тандал
Гатфаривди ацIана рикI.
Лугьун патал, ашкъи галаз
Мад атанва зун гьа накь хьиз,
Гьа эвел хьиз мад бахтар къаз
Гьазур я руьгь ваз лукIвализ.
Лугьун патал, гьар са пата
Шадвилин гар зал къвезава,
Жуваз чизвач лугьудатIа
Мани – амма теснифзамa.
А. Фет Я пришёл к тебе с приветом
© Copyright: Билал Адилов, 2014
Свидетельство о публикации №114100510986
Свидетельство о публикации №114100510986
Рецензии