«Дустагъ»
Ламу къефесдава зун дустагъвиле.
Ина чIехи хьанвай са жегьил лекьре-
Зи пашман юлдашди, лув юзуриз гьикI,
ТIуьниз кIуф ягъизва дакIардин кIаник .
КIуф ягъиз, гадариз, гагь заз килигиз,
Эвер гуз акунрив, гагь ван илигиз,
Адаз рик1ин къене зи хиял туна,
Гьа лугьуз кIанзава : « Ша, лув гун чна!»
Чун азад къушар я, фин, стха, тадиз,
Аниз, a циферин кьулухъ квай дагъдиз,
Аниз, а вили тир гьуьлуьн ватандиз,
Аниз, зунни гарар авай макандиз…
А. Пушкин Узник
© Copyright: Билал Адилов, 2014
Свидетельство о публикации №114100100387
Свидетельство о публикации №114100100387
Рецензии
