Ваз вуч ава зи тIварце?
Ваз вуч ава зи тIварце, лагь?
Са гъам хьана ам рекьида.
Лепе акьаз кьере яргъа,
Йифен тамун ван хьиз нагагь.
Ядигар хьиз, тада чарцел
Ада вичи акъудай гел,
Кхьин хьтин,чара чIалал
Сурун кьилихъ галай къванцел.
Вуч гва адав? Алатна фин
Къалабулух гъулгъулада,
Михьи, мили рикIел хкин
Ви руьгъдиз гьич гудач ада.
Пашман юкъуз секинвиле,
Амма яхъ зи тIвар гъам галаз;
Лагь, амазма зун ви кьиле,
Ава са рикI, зун къеневаз.
А. Пушкин Что в имени тебе моём?
© Copyright: Билал Адилов, 2014
Свидетельство о публикации №114100100278
Свидетельство о публикации №114100100278
Рецензии
