Интернетдин чилини
Ч1угур заз бирдан
"Лезгияр" дестедикай
Атана са ван.
Гъурбатдавай, чкадин
Ватанэгьлийри
"Одноклассникра"десте
Тешкилнавай и.
Гьахьна зуни, тамашна,
Акуна агьвал,
Сад- садахъ чун рахазва
Чаз чара ч1алал.
Ч1ехи ватан Россия
Я зазни багьа,
Зун гьамиша гьазур я
Гъиз адал барка.
Амма,къвемир хъел садаз,
Хайиди амаз,
Жедач завай багърийрихъ
Тахайдал рахаз.
«Ша рахан чун лезгидал!»-
Кхьена гафар,
Са геренда алт1ушна
Лекьерин лужар.
Дидед лайлай к1анибрун
К1ват1 хьана к1ват1ал,
Куьре, Ахцегь, Самур пад,
Шегьерар яргъал.
Анар,Мизам,Гюзеля,
Сифтени –сифте
Гьай гана зи гьарайдиз,
Атанай к1венк1ве.
«Ша рахан чун лезгидал»-
Зирек я к1ват1ал,
Вафалубур ватандиз,
К1андай к1вал,чил,ч1ал! 2.03.2013йис
Ша рахан чун лезги ч1алал
© Copyright: Джарият Магомедова, 2014
Свидетельство о публикации №114100110278
Свидетельство о публикации №114100110278
Рецензии