С. Есенин. Шаганэ ты моя, Шаганэ

С. Есенин
Шагьанэ, Шагьанэ, эй зи  Шагьанэ

Шагьанэ, Шагьанэ, эй  зи  Шагьанэ!
ЯтIа  лугьуз, белки, зун кефер патай,
Рахаз гьазур я ваз  силин никикай,
Вацран экв  акьазвай  лепедин сине,
Шагьанэ, Шагьанэ, эй  зи Шагьанэ. 

ЯтIа лугьуз, белки,  зун кефер патай,
ЧIехи я, белкини,  виш къат ана варз,
ЯтIани гьикьван ваз иер ви  Шираз, 
 Ам хъсан женни гьич Рязандилай.
 ЯтIа лугьуз, белки,  зун кефер патай .

Рахаз гьазур я ваз, зун гьа  никикай,
Къачунва за жуван чIарар силивай,
КандатIа аруша тупIал, иливай, 
За кIусни байихдач гьич тIал адакай.
 Рахаз гьазур я ваз зун гьа  никикай.

 Силин лепеярни, вацран экв алай, 
 КьатIурай на бурма чIарарилай зи.
Азизди, рахух зав, хъуьрез хьухь рази, 
Амма къарагъармир  зи хиялрин пай
Силин лепейрикай, вацран экв алай.

Шагьанэ, Шагьанэ, эй  зи  Шагьанэ!
Ана, кефер пата, са руш ава мад,
Гьикьванни ваз ухшар, саки кьведни сад, 
Белки, ава закай, хиялрин къене…
Шагьанэ, Шагьанэ, эй  зи  Шагьанэ.