С. Есенин
Каниди, зи рикIел ала...
Каниди, зи рикIел ала
Ви чIарарин рапIрапIар гун,
Асан туш заз, я шад туш зун
Мажбур хьана тек тунал вун.
РикIелла зи зулун йифер,
Верхи тарцин эхъенрин ван.
Эхь, а чIавуз югъ куьруь тир
Амма бул тир эквер вацран.
Зи рикIелла, лугьудай на:
«Амукьдач и хушбахт чIавар.
На рикIелай зун алудна,
Са масадаз гуда навар»
Гъерчин тарци, кIурукI таза,
Алудна кар байихрин зи.
Гьикьван харуз вегьидай за
Цуьквер бурма чIарарал ви.
Зи пашман рикI туьхуьн тийиз
Са масади кIан яз ава,
Вакай ада, са эсэр хьиз,
Гьадан патав хиялзава.
С. Есенин. Я помню, любимая, помню...
© Copyright: Билал Адилов, 2014
Свидетельство о публикации №114093000216
Свидетельство о публикации №114093000216
Рецензии