Гьар экуьнахъ экъечlда вун
нурар гваз,
Билбилрив жед гьуьжетариз
ванер тваз.
Зи муьгьуьббат муьтlуьгъ я хьи
анжах ваз
Вун кьисметдин лувар
яни, Таифа?
Тай-туьшерин арадай заз
гьамиша,
Пlузарикай мили тир хъвер
багъиша.
Зи сугъулвал акуртlа на
бамиша,
Вун зи шадвал,сувар
яни, Таифа?
Гатазва ви далу яргъи
кифери.
Ви гуьгьуьл гьич кьун
тавурай цифери.
Ви тарифар ийизва къе
лифери,
Вун ашукьдин саз,тар
яни, Таифа?
Къекъведа вун гваз гьамиша
дамах-наз,
Шагь дагъларин хупl
гуьрчегвал хас я ваз.
Рушарикай са вун пара кlан я
заз
Мугьуьббатдин гатфар
яни, Таифа?
Мелни,мехъер заз кlандач вун
галачир,
Иштягь къведач суфрадихъ
вун алачир.
Кьарай къвер туш хуьре вун
авачир,
Вун пакаман ярар яни, Таифа?
Тади мийир ваз са жегьил
жагъида.
Ви тарифар за виринрал
ийида.
Владика вакай чlалар кхьида,
Вун илгьамдин нурар
яни, Таифа?
Вал рушар пехил я
© Copyright: Владик Батманов, 2014
Свидетельство о публикации №114092902236
Свидетельство о публикации №114092902236
Рецензии