Жегьилзамаз -яракь гъиле,
Экуь дуьнья такур вилиз.
Къайи, ч1улав накьвад чиле,
Гьатна абур, гзаф чимиз.
Дидейрини вил галамаз,
Кагъаз к1елиз кьуна гъиле.
Стха, буба ва хва такваз,
Гар къекъвена, абрун кьиле.
Рик1е къати дердер аваз,
Кьуна яракь тадиз гъиле.
Душман тергиз чан аламаз,
Гъалибвализ гьатна рекье.
Яр амачир рушар шехьиз
Вахар галаз гьатай к1венк1ве.
Гуьлле гана михьиз рик1из,
Вир авуна абрун къене.
Вил галай кас амач хуьре
Кана хваяр Ватан хвейи.
Душмандин терг хьайи сиве,
Гьатна абрун, чанар кайи.
К1вач кумачиз, хура гуьле
Чан галчуриз куьмек гайи.
Амукьрай чи гьардан рик1е
Бубайрин т1вар, игит хьайи!
Амукьрай чи гьардан рик1е
© Copyright: Назиль Махмуд 76, 2014
Свидетельство о публикации №114091203794
Свидетельство о публикации №114091203794
Рецензии
Назила вах, очень душевный стих. Я Аллагь, чаз садрани дяве такурай. Чи кьилел михьи цав, чими рагъ хьурай. Лап хъсан кхьенва, вахъ мадни агалкьунар хьурай. Сагърай вун.
Гамзат Усманов 15.09.2014 22:27 • Заявить о нарушении
Гамзат Усманов 15.09.2014 22:27 • Заявить о нарушении
Сагърай чан ..! Аминь..!Аллахди хуьй,вунхьтин балаяр..!
Назиль Махмуд 76 16.09.2014 00:23 Заявить о нарушении
Назиль Махмуд 76 16.09.2014 00:23 Заявить о нарушении