Иш дунъяличир дигай
агарти диаллири
лебилра алав дунъя
бурци цябдешли, миъли.
Мар дигайла шалали
мирхъиличи дихьибти,
верхIел рангла зурхIябван
пархдикIахъу гулвавни.
КарцIайла малхIямдешли,
Ванзаличи духъунти,
мургьи-рангван БерхIила
алкахъи сар нурани.
Дигайла гIязиздешли,
нешла дурхIяличирти,
вава-кьарли атхIебван
щадбирахъу адамти.
БегI гьалар уркIилизир
дигай зайдухъахъунси.
жагьси рурсила хIерли
мягIничеббиру дунъя.
***
© Copyright: Патимат Будаевна, 2014
Свидетельство о публикации №114090701806
Свидетельство о публикации №114090701806
Рецензии