Шабалутдин чІарар бурма тиллерин,
Ажеб кьазва патав ригай вилерин.
Ахъа кьечІем, рув тир къизил гуьллерин,
Яраб вун ни руш жезватІа, Гюльнара?
Гуьзел къамат, ачух тир чин адетдин,
Ажеб марал тушни лезги миллетдин!
КьелечІ яру пІузар ширин къенфетдин,
Яраб вун ни руш жезватІа, Гюльнара?
Хуьр Худат тир вични лезги эллерин.
Бубуяр хьиз, яру хъуькъвен кьилерин.
Шагьвече тир мехъерринни мелерин,
Яраб вун ни руш жезватІа, Гюльнара?
Сажидинан гьар са тариф дерин тир,
Гафаралди безетмиш я ширин тир.
Шуьше гардан, ченед кІаник серин тир,
Яраб вун ни руш жезватІа, Гюльнара?
Тикрар:
Ажеб гуьзел руш яни вун, Гюльнара?
Пак Женнетдин къуш яни вун, Гюльнара?
И заз хьтин Къуба патан лезгийриз,
Вирибуруз хуш яни вун, Гюльнара?
Ни руш ят1а Гюльнара
© Copyright: Сажидин Саидгасанов 4, 2014
Свидетельство о публикации №114083008260
Свидетельство о публикации №114083008260
Рецензии