Фагьум-фикир авур чІавуз хъсандиз,
Къурху крар пара ава инсандиз.
Суьрет къалур тийиз, хуьзвай масандиз,
Айсель лугьур са руш ава Лечетда!
Лугьуда хьи, чи хуьр Женнет ери я,
Булахрин яд фиринекни гъери я,
Вич шивдаллаз чамардавай гьуьруь я,
Айсель лугьур са руш ава Лечетда!
Кц1ар шегьер – кьуд пад бегъер багъларин,
Гуьзел макан я манийрин, чІаларин.
Зун марал я яйлахдавай дагъларин,
Айсель лугьур са руш ава Лечетда!
Ч1ун-ч1ун хьанвай шабалутдин ч1арарин,
П1узар кьелеч1, сив седефдин сарарин,
Хъуькъвен кьилер Яргъирушан нурарин,
Айсель лугьур са руш ава Лечетда!
Сажидиназ, намуслу яз акуна,
Адан суьрет за хуралай чІугуна.
Кьарай къвезвач хайи тир хуьр такуна,
Айсель лугьур са руш ава Лечетда!
Лечетда
© Copyright: Сажидин Саидгасанов 4, 2014
Свидетельство о публикации №114083006529
Свидетельство о публикации №114083006529
Рецензии