Туьш тахьанамаз акьуллу инсан,
Уьмуьрдин къадир чир жедач хъсан.
Заз акуна къе, мишребдиз масан,
Багьадинан руш – Эльмира ханум!
ПІирерин яйлах Самур дереда,
Икьван чІавалди такур Куьреда,
Заз акуна къе, шад тир береда,
Багьадинан руш – Эльмира ханум!
Ашукь Ражабан авай мярекат,
Шад манийрик квай чІавуз гьерекат,
Заз акуна къе, чиниз берекат,
Багьадинан руш – Эльмира ханум!
РикІ алай цуьквер тир къизил гуьллер,
ЧІарариз чІулав, цІару тир вилер,
Заз акуна къе, гьейрандай эллер,
Багьадинан руш – Эльмира ханум!
Хайи хуьр Кьурагь, жейран такабур,
Къаш-къамат гуьрчег, гуьзел тир абур.
Заз акуна къе, авай кас сабур,
Багьадинан руш – Эльмира ханум!
Сажидинанбур туш кьуру тариф,
Ам такур касди чІугвада гьайиф.
Заз акуна къе, къуллугъчи – ариф,
Багьадинан руш – Эльмира ханум!
Эльмира ханум
© Copyright: Сажидин Саидгасанов 4, 2014
Свидетельство о публикации №114082408492
Свидетельство о публикации №114082408492
Рецензии