23 февраля 1944 года

Шовзткъа диълаг1а шу дар додаш,
Сафар- бетта т1еххьар кхаьра,
Г1ийла керара дог делхадеж
Адам дара мехках даьккха.

Фу бахьан да? Сен бахь бала?
Саг ханвац из ловш хьаала.
Бераш,кхалнах,къоаной- цхьанна
Кхувсар фусамашкара ара.

Къиза, дорха т1ехьара тетташ,
"Ара довла!"- яхаш ц1ог1 а детташ,
Сецца ц1аг1ара ара даьккха
Дигар вай къам мехках даьккха.

Делхдеш мискача наьха дегаш,
Лоамашта,аренашта т1а г1олла
Екаш хоза г1айг1ане назам
Д1ахьош мискача наьха лазам.

Шийлача 1анна, бирса 1уйран
Делхаш бераш дехка марх1,
Ц1ермашенашка чу а бехка
Бигар Сибаре миска нах.

Моастаг1ашца т1ом бе баха
Ц1аг1а бацар ц1енна дай
Х1аьтаъ цхьаккха даь хьама доацаш
Мехках даьккхар адам вай...

Дицлургдоацаш дегашта ц1аккха
Даькхар къамо кхойтта  шу.
Тахан санна б1аьрг белхабеш
Керд я къаман дега чов.

Везан Даьла, даькъал белахь
Са Г1алг1айче-къона мохк!
Деха хьуга, машар болаш
Парг1ата баккха са Даьй-мохк!