ДАГЪ АВА ЧАЗ ШИИРАТДА
(прозадин шиир)
Дагъ ава чаз шииратда. Кьакьан са дагъ, азиз са дагъ. Гагь гуьзгуь хьтин дуру цIарар авахьда а дагъдин хуралай: "Зун рекье финиф я валди..." Гагьни сефил, перишан яз рахада ам: "Заз сабур гуз, вун куьз шеда лугьурбур..."
Рагъ ава чаз шииратда. Шиирдин рагъ. Виш йис вилик экъечIна ам. Шехьна ам, тIал хьана адаз, тIар хьана адаз, и дуьня гагь гегьенш, гагь дар хьана адаз. Вичин дердерин винел факъирбурун, кесиббурун дердер-гъамар пар хьана адаз. Шехьна гагь, гагь хъуьрена. Кана, кана, гила рагъ хьанва чаз. Чи шиирдин, поэзиядин рагъ. Рагъ хьиз тек я ам. Тек я ам, етим я ам.
Цава Рагъ етим я, чи поэзияда Эмин етим.
23.08.1991.
Дагъ ава чаз шииратда
© Copyright: Римма Гаджимурадова, 2014
Свидетельство о публикации №114082107067
Свидетельство о публикации №114082107067
Рецензии