Гьар няниз ви шикил аваз зи гъиле,
Лугьузва за, кlаниди вун гьинва къе.
Кlанзава заз гьамиша зи патав гваз,
Ви назик тир гъилерлай са хупl яд хъваз.
Зи гуьзел яр зи шадвални хъвер вун я,
Заз кlаниди вун заз гъуьлуьз атун я.
Дуьнья гьалда кьведани гъил-гъилеваз,
Бахтлу хьана муьгьуьббатдин рекьеваз.
Хкведа зун мукьвара чи мехъер йиз,
Мукьва-кьили шад жедайвал кьуьлер йиз.
Бахтлу жеда чун чи лезги чилерал,
Алаз куьрпе балаярни гъилерал.
Гьар пакамахъ за вегьед вун ахварай,
Ацlудайвал вилер ви шад накъварай.
Кьуна за вун женнет къуш хьиз гъилерал,
Хуьда даим эциг тийиз чилерал.
17.08.2014
18:00
Кlаниди...
© Copyright: Камалдин Ильясов Кашкентви, 2014
Свидетельство о публикации №114081804731
Свидетельство о публикации №114081804731
Рецензии