«Заз вакай къайивал акуна»,лугьуз
Легьзеда хъсанди гьакIан хьана жал?
Са сефер хатурда акьуна лугьуз,
Яраб зун ваз икьван такан хьана жал?
Кисна акъвазнава вун зуракI рекье,
Биришар гьатзава беневша пеле.
Яраб квекай ятIа ви хиялар къе,
Яраб вуч гиманар аватIа кьиле?
На акъваз тавуна гъам гайитIани,
Зун кисна ацукьдач, вун хьиз хъилериз.
РикIел хуьх, амма за вуч хьайитIани,
Килигдач садрани маса вилериз!
Вуч хьайитIани...
© Copyright: Билал Адилов, 2014
Свидетельство о публикации №114081707492
Свидетельство о публикации №114081707492
Рецензии