Пуз - туз

                Пуз, туз.
                Вырас гарбуз,
                Ды не ў агародзе дзе,
                А на жываце.
                З пузам,
                Як з грузам,
                Не будзеш у карагодзе,
                Бо ўбачаць усе!
                У хуткім руху,
                Каб пацярухай
                Рассыпаўся жывот,
                То не было б нягод.
                Ды на няшчасце,
                Тоўстыя напасці:
                Не пахудзець,
                Стану не мець
                Атрымаў пуз
                У сватах гарбуз,
                Ды ён у гуморы:
                Песціць пуза на моры.
                Але не пра нас
                Пуз Апанас.
                Ён не толькі пуз -
                Ён яшчэ і туз.
                У жыцці песта,
                Але дзе нявеста?
                Трапілася такая,
                Што пачуцця не мяняе.
                Трапілася адналюбка
                Маладая Любка.
                Туз на тлушч
                Зусім не хворы:
                У яго ўжо
                Кілаграмы-абновы.
                Цэнтнер вагі
                Не падымуць вагі.
                Набірае другі.
                На ляжках ужо кругі.
                І не хлусі пра абмен рэчаў,
                Не хлусі пра абмен -
                Гэта так недарэчы:
                Бачыла, як ты еў.