И дуьньяда ава хъсан инсанар,
Дарман гвачиз, тІал ийидай хъсанар.
Абурукай сад я, квачир нукьсанар,
Зи рикІин дуст – Роза Агахановна!
Уьмуьрдин рехъ кьиляй-кьилиз дуьз жедач,
Я жувавай жув саламат хуьз жедач.
Абурукай, де лагь куьне, куьз жедач?
Зи рикІин дуст – Роза Агахановна!
Чирвал дерин, мециз ширин – шуьрбет тир,
Къуллугърални кІандай кІвалах – зегьмет тир,
Абурукай сад я зи бурж – гьуьрмет тир,
Зи рикІин дуст – Роза Агахановна!
Лазим къведач артух гафар, тарифар,
Адан дустар я шаирар, арифар.
Абурукай сад – кар тийир загьифар,
Зи рикІин дуст – Роза Агахановна!
Сажидиназ бегенмиш и жуьреда,
Авачиз туш са шумуд кас Куьреда.
Абурукай сад я, милиз хъуьредай,
Зи рикІин дуст – Роза Агахановна!
Роза Агахановна
© Copyright: Сажидин Саидгасанов 4, 2014
Свидетельство о публикации №114081506767
Свидетельство о публикации №114081506767
Рецензии