Ашукь я зун ажайиб ви хъвердал,
Заз эвердай вил алаз ви эвердал.
Вун рик1еваз юкъуз-йифиз пенжердал
Алазва зун, алазва зун, Владик!
Акъатзамач кьил дуьньядин крарай,
Ац1анва зи рик1 уьц1уь тир накъварай,
Йифди месел вав шириндиз ахварай
Рахазва зун, рахазва зун, Владик!
Накъвар алаз, тек ви шикил гъилеваз,
П1узарикай хъуьрез ваз, вун рикlеваз,
Вун такурла рик1и рик1 нез хъилеваз
Авазва зун, авазва зун, Владик!
Ч1ала гьатмир куьлуьданни-иридан,
Ваз минет хьуй,на гъил кьамир гъейридан.
ВАЛЛАГЬ, ВАЛЛАГЬ,заз вилерай виридан,
Аквазва вун, аквазва вун, Владик!
Гъейри тават тваз алахъмир рик1е ви
Аваз хьайла ви яр тир зун гъиле ви.
Хуьруьнвийри гьамишанда хуьре зи,
Жакьвазва вун, жакьвазва вун, Владик!
Заз,ви ярдиз, лап к1анда вун Диде хьиз,
Чи муьгьуьббат хуьн чна чи нине хьиз.
Рикlиз к1ани ярдилай чар...
© Copyright: Владик Батманов, 2014
Свидетельство о публикации №114081003032
Свидетельство о публикации №114081003032
Рецензии