Чан азиз яр, жаваб це заз,
Гьич са к!усни к!ан тушни ваз,
Ахварайни за ви т!вар кьаз,
Хер авуна вуна рик!ел.
Вилелай зи нагъв алатзач,
рик!яй гьич вун акъатзач,
Масадахъ зун яр агатзач,
Хер авуна вуна рик!ел
Дугъриданни к!ан хьана вун,
Гила текдиз авазва зун,
Белки санал жеда яр чун,
Хер авуна вуна Рик!ел
Тахсир квачир садни авач,
Вак тахсир яр лугьумир квач,
Рахадай заз къуват амач,
Хер авуна вуна рик!ел.
Ви зенгинал зи вил ала,
Вуна кхьей чарар ама,
Сефилдиз зун к!вале ава,
Хер авуна вуна рик!ел
Эгер яр зак тахсир кват!а,
Ви Рик!из за яр т!арнат!а,
За пис гаф ваз лагьанат!а,
Багъишламиш, минет хьуй ваз...
Хер авуна вуна рикlел...
© Copyright: Саира Сефибекова, 2014
Свидетельство о публикации №114072809418
Свидетельство о публикации №114072809418
Рецензии
лап хъсан шиир я. Бахтлу хьурай вун. Вун к!ани, ваз к!ани яр гьалтна
Гамзат Усманов 05.08.2014 08:53 • Заявить о нарушении
Гамзат Усманов 05.08.2014 08:53 • Заявить о нарушении