Азиз диде,ахъайда ваз
Рик|е авай дердерикай,
Пара к|ан я гьа гада заз
Хабар яхъ зи бендерикай
Ширин диде,гудач лугьуз
Вуна рик|ел хер ийимир,
Вуна диде завай жузуз
Зи вилерал накъвар гъимир
Ярдиз кьисмет тахьайт|а зун
Чан диде зун бахтсуз жеда,
Зи гъавурда гьата т!ун вун
Рик| акъудна адаз гуда
Гъейрид гъенел зи татурай
К|ан туш заз ам акваз вилиз,
"Эхь" лагьана заз такурай
Т|армир диде вуна рик|из
Къе-пака яр къведа к|вализ
Адал вил зи ала ,диде,
К|ан я адаз зун лап рик|из
Хъуьруьнар туш, гьахъ я ,диде
Зун масадаз гумир, диде
© Copyright: Саира Сефибекова, 2014
Свидетельство о публикации №114072807692
Свидетельство о публикации №114072807692
Рецензии
Ма ша АЛЛАГЬ, Саира вах! Гьиссериз азадвал гунилай шиирдин тIямни аслу жезва. Жезмай кьван цIарара образар арадал гъиз алахъ, ви шиирар кIелайла эвелни-эвелни цIарарин везинлувили (музыкальность) фикир желбзава. И шиирдай ви руьгьдин гьарай аквазва, къуй адаз ви дидеди гьай лугьурай, я АЛЛАГЬ! ви шииратди лезги литературада цIийи жигъир арадал гъунихъ цIигел Мегьамед Ибрагьимован патай. Еке агалкьунар хьурай вахъ, вах!
Ибрагимов Магамед 09.08.2014 22:55 • Заявить о нарушении
Ибрагимов Магамед 09.08.2014 22:55 • Заявить о нарушении
Сагърай, Аллагь рази хьурай))) пара кьадар шад я зун)
Саира Сефибекова 10.08.2014 00:04 Заявить о нарушении
Саира Сефибекова 10.08.2014 00:04 Заявить о нарушении