(Прысвечана ВІА "Песняры")
Песняры галасамі Радзімы,
Растрывожылі струны душы.
Іх напевы ў абшары адзіным,
Лечаць нашыя сэрцы ў цішы.
Зацвітае ў палях "Канюшына",
"Жавароначкі" ў небе звіняць,
Жыта жне прыгажуня Яніна,
Косіць Яська сваю сенажаць.
У каханай блішчаць "Завушніцы"
Гравіроўкай прызнання ўначы,
"Беларусачка" ў белай спадніцы
Горда род свой заве "крывічы".
Шэпча ціхенька "Явар Каліне"
Па-над ярам на ранку ў расе,
І пяецца аб "Александрыне",
Беларускай дзяўчыне-красе.
Ад "Марысь, да Алесь, Веранікі"
"Над Палессем ляцяць жураўлі"...
Будуць кроў хваляваць, будуць клікаць
Галасы, што завуць "Песняры".
Як званочкі бязмежных прастораў,
Яны ў ветры і ў кроплях дажджоў.
Льецца чыстай крыніцай у мора,
Да Радзімы святая любоў.
Не знайсці мілагучней суквецця,
І мелодый званчэй - не шукай!
Песнярамі ў сусветным санэце
Беларускі праслаўлены край!
Фота інтэрнэт.
Песняры
© Copyright: Людмила Воронова Супрун, 2014
Свидетельство о публикации №114072702987
Свидетельство о публикации №114072702987
Рецензии