Green grow the Rashes
Р. Бёрнс
Расце чарот зялёны.
О, расце чарот зялёны!
Часіны лепшыя жыцця
Я меў, як быў улюбёны.
У суткі дваццаць пяць гадзін
Мы справамі заняты,
І каб аблегчыць лёс мужчын,
Прыдуманы дзяўчаты.
Ганяе іншы ўсё жыццё
За славай і багаццем,
Здабыў - і робіць адкрыццё,
Што не ў багацці шчасце.
Мне ж дайце ўвечары абняць
Стан любачкі - забавы,
І хай у тартарары ляцяць
Усе на свеце справы!
Чый век без любачак прайшоў, -
Асёл ёсць дурнаваты.
Сам Наймудрэйшы* ўсіх часоў
Вельмі любіў дзяўчатак!
Старой Прыродзе, каб стварыць
Свой лепшы цуд - жанчыну,
Прыйшлося перш руку набіць
На вырабе мужчыны.
*Наймудрэйшы - біблейскі цар Саламон
Расце чарот зялёны
© Copyright: Лилия Прудникова, 2014
Свидетельство о публикации №114072000144
Свидетельство о публикации №114072000144
Рецензии