У мяне ў садочку хораша ўлетку,
Зелянеюць дрэўцы і красуюць кветкі:
Белыя рамонкі - залатыя вочкі,
Ружовы півоні, сінія званочкі.
А паміж рамонкаў - касачы разныя,
Гваздзюкоў турэцкіх шапкі распісныя,
Замест агарожы - высокія спіны
Рознакаляровай гвардыі лубінаў.
Калі я ні выйду пагуляць ў садочку,
Радасна рамонкаў пазіраюць вочкі,
Гваздзюкі, званочкі ветліва ківаюць,
"У ва фрунт" раўненне лубіны трымаюць.
Там і сям мільгаюць, нібы банты ў косах,
Плямкі бессаромна рыжых пачканосаў,
Ад півоняў пышных пах танкі ліецца.
Чэрвеньскія кветкі - адпачынак сэрца.
Чэрвеньскiя кветкi
© Copyright: Лилия Прудникова, 2014
Свидетельство о публикации №114071708938
Свидетельство о публикации №114071708938
Рецензии