Прагне дзень малады
З ночкаю сустрэчы,
Ды між імі заўжды
Раніца і вечар:
Ноч да дня паляціць -
Сінім раннем стане;
Да начы дзень памчыць -
У вечары растане.
Не абдымецца з днём
Ночка цемнакрыла,
Ён ласкавым агнём
Не сагрэе мілай.
Дарагую сваю
Дзень прыгожы весні
Суцяшаць салаўю
Даручае песняй.
Пазабыўшы на сон,
Салавейка ў маі
Пра каханне без слоў
Да зары спявае.
І, паддаўшыся тым
Салаўіным чарам,
Ночка з днём - я і ты
Аб нязбыўным марым.
Зб."На крылах натхнення"
Я i Ты
© Copyright: Лилия Прудникова, 2014
Свидетельство о публикации №114071302880
Свидетельство о публикации №114071302880
Рецензии