Виридалай ч1ехи гуьмбет Пушкина,
Вичи вичиз эцигнава ч1аларал.
И кар ада хиве кьазва эркинал,
Адаз тангъах гуьмбет авач къваларал.
Зун Пушкинан гуьмбетдив гва, тамашиз.
Ам фикирдик ква дерин тир хиялрин.
Гьик1 ава заз, жуван мукьва-кьили хьиз,
Шаир буба я кьван ам чи аялрин!
Гьик1 ава заз, гуьмбет-Пушкин эвич1на,
И дуьньядиз тамаш хъийиз, къекъведа.
Ч1улав чиниз экуь тир ракъ экъична,
Чилин шардал ам гъед хьана, элкъведа.
Акъвазна зун са кьадардин вахтуна,
Ам эвич1нач, гьанлай хъсан аквазва.
Шииратдин пачагь хьана тахтуна,
Акъвазна ам, халкьдихъ галаз рахазва.
Пушкин сагъ я вирибурун рик1ера,
Гуьмбет анжах ярж я гений-илгьамдин.
Багьа я заз ам са шумуд рекьера,
Ч1ехи шаир тирвиляй гьар аямдин!
Пушкинан гуьмбетдив
© Copyright: Сажидин Саидгасанов 4, 2014
Свидетельство о публикации №114070502530
Свидетельство о публикации №114070502530
Рецензии