Эльзадиз

 И мукьвара Ахцегь районда еке бедбахтвилик акатна, авария хьайи машинда кьве кас кьена, пуд ученик ЕГЭ вахкузвайбурукай са руш Эльза 25 юкъуз комда аваз, гила нефес къачуз ва чапла гъил юзурзава ван хьайила, Сад Аллагьдивай авур т1алабун хьиз, зи кьилиз ихьтин шиир атана. Ам за куьн фикирдиз гъизва.

ЭЛЬЗАДИЗ
Текъвер дуьшуьш жедач хьи чи кьилерал,-
Лугьуз чна, гуда рик;из майданар.
Амма и кар акуначт;ан вилерал,
Зинни агъуз хьана куьн хьиз гарданар.
Иеси кьей ЕГЭ вахкуз фидайла,
Вад кас ава лугьудай са машинда.
Кьве кас кьена, аялар чи хуьдайла,
Залан тир дерт хьана такур яшинда.

Кьейибуруз рагьмет хьурай, гужар я.
Аллагьдивай тек пуд аял хуьз хьана.
Къанни вад къуз, рахазвайбур вужар я?
Течиз Эльза комда амай кис хьана.
Ван хьайивал, къачузвалда нефесни,
Чапла гъилни юзурзава жизви яз.
Яваш-яваш ачух жезва гьевесни,
Аллагьдикай пара кьадар рази яз.

Вуч лугьун за, дуьшуьшар я, дуьшуьшар!
Сад Аллагь ваз куьмек хьурай, Эльза руш!
Бахтлубур хьуй мад къачузвай еришар,
Вун эвел хьиз вал хтурай, Эльза руш!
Гьич саданни кьилел дуьшуьш татурай,
Къвезмайбурни шад хабарар хьурай чаз!
Ч;уру сесер чи япарай ат1урай!
Анжах гуьзел бахтлувилер гурай чаз!