Гад гьарай! Гад гьарай!

Гад гьарай! Гад гьарай!
Амач захъ мажал кьарай,
Экуьнахъ фад къарагъиз,
Малар чуьлдиз ракъагъиз,
Фу-яд тада чантада,
Дергесдик худ кутада.

Гад гьарай! Гад гьарай!
Бустанда эч1ез эч1ел,
Туькра векь ала гъенел,
Агакьзава яр-емиш,
П1ини, хатрут я дигмиш,
Мураба мед ргада,
Гьатнава зун юртада.

Гад гьарай! Гад гьарай!
Яргъиди я ц1ил хьиз югъ,
Са геренд кьван къвазвач юргъ,
Пешералай пич1и руг,
Тарце ава чинеруг,
Вилив хуьзва циц1ибар,
Вечре хуьдат1 эхтибар?

Гад гьарай! Гад гьарай!
Цихъ къаних я багъ ,бустан,
Къубудай яд хвала тван,
Афни, истивут, буран,
Ич ,чуьхвер хьуй авадан!
Акакьдат1а ч1ижерал?
Вил ала зи кулерал!

Гад, гьарай! Гад, гьарай!
Ник1ер кьунва къалгъанри
Чуьллер цацар-цагъамри
Рат1 ич1и я.Къуьл. мух сил
Хкизвай машинди ЗИЛ,
Ат1узва яргъал мензил-
Урусатди хуьзва чун,
Гун авач, чид я къачун!

Хуьда гату саки йис,
Кагьулвилел кьуьл илис!
Къвемир гьич садаз кьарай,
Ргазва кар, гад гьарай!                Июнь 2014