Гзаф вахтар акун тийиз,
акъатиз Ватандихъ рик1.
Гатуз хквез мугьман вилиз,
Галамаз вил хъфизва гьик1.
#
Низ к1ан жедач, жуван Ватан,
Кьакьан дагълар, дуьзенар.
Т1ебиатдал язвай гьейран,
Авай гуьрчек джейранар.
#
Гьар йифиз ваз, ахварайни,
Акваз чуьллер, майданар.
Цуьк ахъатай, яйлахарни,
Хуьруьн мукьва инсанар.
#
Рик1е гьатда, к1еви т1алар,
Хъфидайла Ватандай.
Авахьиз пеш, шехьда тарар,
Рик1 хъеневай, са чандай.
#
Пата авай, чи гьар садан,
Мурад я ам рик1евай.
Ватанда хьун, жуваз са къван,
Чан фейила хуравай.
#
Четирдаз Ватандикай дад,
Хабар туш дуньядикай.
Са чуьнални тежедай шад,
"Инсан" жеч, инсандикай.
Вил гала ватандихъ
© Copyright: Назиль Махмуд 76, 2014
Свидетельство о публикации №114062009383
Свидетельство о публикации №114062009383
Рецензии