Гьикьван чанда ава дердер?
Вирибру ваз икрам ая...
Куьтягь тежер четин вилер.
Эй фана Дуьнья!
Гьикьван ава герек вилер,
Ни лугьуда вуч хабар я?
Ахъай мийир рик1ин сирер...
Эй фана Дуьнья!
Гьикьванбуру т1уьнва рик1ер,
Хажалатни ам чи гъам я,
Акъуд тежез залум йифер...
Эй фана Дуьнья!
Накьвадикай жезва шимер,
Куькай абур ибарат я?
Кьуразва чи дагъдин селлер...
Эй фана Дуьнья!
Хъукъанва чи кьудпад чилер,
Гьикьван ибруз яд кьери я?
Ахквазмач чаз къацу чуьллер...
Эй фана Дуьнья!
Вучда вакай куьмек тежер!?
Инсанрин рик1 лап сефил я...
Чакай вун инжиклу межер,
Гьа чун вал гзаф пехил я.
Эй фана Дунья!
Гзаф ава кайи рик1ер,
Мани лагь на, вун шаир я.
Чун тефей амазман рекьер,
Жаваб гице фана Дуьнья!?
Къайи кьунва бязи рик1ер,
Хкаж жезмач жуван гъилер...
Гзаф хьанва дердер, хирер,
Эй фана Дуьнья!
Эй фана дуьнья
© Copyright: Назиль Махмуд 76, 2014
Свидетельство о публикации №114061909044
Свидетельство о публикации №114061909044
Рецензии
На это произведение написаны 2 рецензии, здесь отображается последняя, остальные - в полном списке.