Лезгистандин гуьрчек чуьллер
Лезгистандин гуьрчек чуьллер,
Гьикьван язва атирлу куьн.
Ачух рекьер, къайи вирер,
Къацу багълар, гьар са хуьруьн.
Лезгистандин гуьрчек чуьллер,
Кьакьан дагълар авазва ваз.
Дагъларавай къати селлер,
Дуьзенра лап гьатжеда къваз.
Лезгистандин гуьрчек чуьллер,
Гьикьван берекат ава ваз.
Пара иер, рушан вилер
Хьиз аквада, акьурла варз.
Лезгистандин гуьрчек чуьллер,
Кьуд пад жеда цуьк акъатна.
Лувгуз хъвазай ч1урун ч1ижер,
К1ват1 жеда вал ван акьалтна.
Лезгистандин гуьрчек чуьллер,
К1анда гьарда квел дамахна.
Ийиз гьарда чири кьуьлер,
Дагъдал лап кьакьан акьахна.
Лезгистандин лезги чуьллер
Рик1 ахъана лугьуз к1анда.
Икьван гуьрчек авач чилер,
Мад санани и Дуьньяда!
Чун лезгияр са к1ват1ал я,
Маса инсан хъуьрер мийир.
Лезги ч1ур хьун, ам чи т1ал я,
Къведа мецел гьа ик1 шиир.
© Copyright: Назиль Махмуд 76, 2014
Свидетельство о публикации №114061806257
Свидетельство о публикации №114061806257
Рецензии