И вновь - на Запад!.. Еду я домой...

(Прысвячаецца роднай Зэльвеншчыне
і вёсцы Залацеева, што на Гродненшчыне Беларусі)

(Тэкст песні

Нямала год жыву я ў сталіцы,
У Мінску ёсць і праца, і сям'я,
Але начамі вельмі часта сніцца,
Заве мяне бацькоўская зямля…

І зноў - на захад! Еду я дадому,
Вакол гасцінца - жоўтыя палі,
Як прывітанне госцю дарагому
Усе дыванамі рапса зацвілі…

Пяе матор, як жаваранкі ў полі,
З'язджаю я з Дзяржынскае гары -
І адчуванне птушкі на прыволлі -
На крылах мар нясуць мяне вятры.

"У добры шлях!"- шапоча алімпійка.
Мільгаюць кадры аграгарадкоў,
Рака Зяльвянка ўецца, нібы змейка,
І бацька Нёман выйшаў з берагоў .

І вось на шыльдзе надпіс "Азярніца",
А, там - да Зэльві і - рукой падаць,
Люстэркам ззяе возера вадзіца
І трэба крыху скорасць паніжаць.

Каб упісАцца ў паварот направа,
Затым налева, потым - па прамой,
Дзе Залацеева зіхціць яскрава,
Там тармазну, вярнуўшыся дамоў!
Мінск, 17.06.2014г.