Билбил хьиз вун рахаз жеда,
Кьуна вуна зи рик1 кевиз.
Лугьуз тежез - заз вун к1анда,
Рик1е гьадна т1ал зи михьиз.
Цавай физвай лекь хьиз жезва,
Акурла зун ви вилериз.
Хъуьрез вун зи патаг къвезва,
Рик1е авай сирер чириз.
Тамашзавай, гъед хьиз цавай,
Ваз гьик1 лугьун, рик1из к1ан я.
Гуьзгуьди хьиз нур гузавай,
Гьикьван вун чан заз масан я.
Гьак1 лугьуз чи яшар фида,
Чанда амаз дердер къайи.
Ругь акъатна зун рекьида,
Икьван фаддиз зи рик1 кайи.
Рик1игай зи эхиз жезвач,
Кьисметар чун тежедайла.
Рик1яй за вун гьеч акъуддач,
Эхиз тежез рекьидайла.
К1аниди
© Copyright: Назиль Махмуд 76, 2014
Свидетельство о публикации №114061604371
Свидетельство о публикации №114061604371
Рецензии