Гатуз Ватанда
Т1ебиатдал гатфариз чан, атайла.
Билбил рахаз, цуьк акъатна гуьнеяр,
Хуш жеда хьи, марфадив ван гатайла.
Къариблухда фикир чIугваз къайгъуйри,
Зарар гуда, абру пара ви чандиз.
Бес вуч сир я бедендавай агъуйри,
Рекьидач вун, акъатайла Ватандиз.
Гьикьван кIанда, рикIиз жуван балаяр,
Ял хъувурла абур хайи макандиз.
Чир хьайила кIани элдин къайдаяр,
Кьил виневаз къекъведа вун уфтандиз.
Аваз хьурай лезги диде рикI ахъа,
Лезги буба, къадир авай и чилин.
Лезги стха хтай чIавуз чан багьа,
Берекатар артух хьурай ви кIвалин.
Кьегьалвилин къилих авай рухваяр,
Кьуьлуьналди, манидалди рахурай.
Квадар тийиз адетарни къайдаяр,
Гьар лезгиди хайи чIални чил хуьрай.
Ин Дуьньяда, гьикьван ава савдаяр,
Хайи жуван ч1ал паталди балаяр.
Терк хьуй чиб чи, арадавай душманар,
Дамах ая, жуван ч1алцил инсанар.
** ** **
Рик1 ахъайна яваш - яваш дердияр,
Ахъайна тур, жедайвал рик1из регьат.
Хуьх куьне куь, авай квез са дидеяр,
Вахт физава, акъваздач ам туч сегьят.
Свидетельство о публикации №114061508415