Гъуьл:
Гатфар бере, жагъун кIане,
Кьве хьикьифдин вверг хьанайтIа!
Куьк якIун хинкIардин винел,
Зкяйнекни серг хьанайтIа!
Папакайни жен тIапIахьан,
Жуван кIвале - жув таада!
Япара жен зуьрнедин ван,
Жедайвал даим тIамада!
ЦипицI медни, дуьдгъвердин кIватI,
Хьаран чими фу хьанайт1а!
Суфрадал са эрекьди кьатI,
Са кьве рычар-су хьанайтIа!
Як, кIаневай ашдин кьилел,
Пис тушир хурма хьанайтIа!
Хамдиз хвей таза кIелен,
Са цIуд кIус дулма хьанайтIа!
Хъсан затIар мад чида заз:
Серке ягъай луьле-кабаб!
Дуьшперидин дад чида заз,
Жагъана хьуй, неда - кьве къаб!
Паб:
Хъсан затIар за хкяйнай,
Ви чирвилиз гаф авачир.
Вуч неда, темпел, кIваляй на?
Гъуьр михьдай са саф авачир.
Темпелдин хиялар
© Copyright: Сажидин Саидгасанов 4, 2014
Свидетельство о публикации №114061403341
Свидетельство о публикации №114061403341
Рецензии