Зарніцы вечаровыя над гаем
У цемры мрой надзеямі блішчаць,
Іх вочы бліскавіцамі мільгаюць
І будучыні зоркамі гараць.
Пад німбам неабсяжнага Сусвету,
Нам кожнае маланкі бачны твар
У іх водблесках музЫкі і паэты,
А кампазітар - сам зямны ўладар.
Зарніцы вечаровыя над гаем -
Грымотамі нас вабяць з далячынь
І кожны з нас у іх сябе шукае
Імкненнем да нязведаных вяршынь.
Калісьці пойдзем мы травою роснай
Між квецені гуллівых мурагоў...
І з гэтай нерэальнасцю дзівоснай
Зліёмся плынню рэк без берагоў.
У бясконцасці таемнага мігцення
Схаваны невядомы людзям свет,
Які ў абход зямнога прыцяжэння,
Нас панясе ў далёкі мір планет…
Мінск, 13.06.2014г.
Фото интернет.
Блискавицы
© Copyright: Людмила Воронова Супрун, 2014
Свидетельство о публикации №114061309882
Свидетельство о публикации №114061309882
Рецензии