Дидедиз

, квез салам алейкум чан руш. Зун кев рахазвайди Сажидин буба я. Заз куьн шииркай сад-вадан сиверай ванер атана. Багъиш ая бубадиз, зун интернетдихъ фадлай таниш ят1ани, куьн шиирар къе за са-сад к1елиз башламишзава. За абурукай жуван фикирар куьруь гафаралди лугьуда. Сифте кьилел алай шиирни тирвиляй, гьар са куьрпедин сифте яз и экуь дуьнья багъишзавай чи рагъ-варз дидедиз бахшнавай мани иллаки бегенмиш хьана. Вучиз лагьа ман? Кар ана ава хьи, сад ава гъил кана, кайидан ц1ур ч1гун, садни ава, артистди хьиз, гъил кун тавуна, кайи макьамар авун. Куьн шиир рик1 кана акъатнавайди заз гьар са ц1арц1яй аквазва. Дидедикай магьрум хьунилай еке гуж авач.
Зи атана 80-далай йисар алатнават1ани, диде амачирвилин дерт къати хъижезва. И мукьвара заз са ихьтин шиир багъшнавай дидедиз. Абур захъ гзаф ават1ани и шиир за куьн фикирдиз гъизва.
ДИДЕ ЧАН
Ви зегьметар пара хьана, диде чан,
Зун ви емиш тара хьана, диде чан.
Ви ширин тир мез кІан я заз, диде чан,
Ви патав мад къвез кІан я заз, диде чан.

Ви мурад за кьилиз акъудда, диде,
Ви хажалат яргъаз къакъудда, диде!
Ви рехи тир чІарариз зун къурбанд я!
Уьмуьрдин азабар алудда, диде!

Тикрар бенд:
Мубарак хьурай,
Мубарак хьурай,
Ваз вун хайи югъ
Мубарак хьурай!

И дуьньяда валай хъсан кас авач,
Чан зун хайи, ширин тир инсан, диде.
Валай багьа, валай масан кас авач,
Вун я зи дин, вун я зи иман, диде!

Зубера, зун квез чизва жеди чизвачт1а чирун буржи я. Агъ-Ст1алдилай я, Сулейман-Стальский район. Квевай интерес аваз хьайит1а, захъ sajidin.ru сайт ава Зи эсерар квез Стихи ру, ЛезгиЯр, Лезги аялрин сайтдай ва масанрай жагъида. Захъ sajidin2012@yandex.ru зи моб. тел.89634046529
Заз генани вуч к1анзавани? Куьн пара яргъара авай инсан я. Ватандин ругъ ам яргъа хьунивай туьтуьдиз элкъвез масан зат1 я. Куьн куьн авай чкайрикай са к1с малуматар гун ва жуван нубатда, за квез чи районда ва республикада ва адалайни къеце патара жезвай хийирдин хабарар гудай Жуван хабар шадвилел куьтягьун патал, заз адет хьанвайвал, са шиирни квез башиз к1анзава:
Зубера

Шагь дагъларин шагьвар къугъвай дереда,
Гьар экуьнин рагъ экъечIдай береда,
Вун хтайла цуькверин кваз хъуьреда,
Вун Ватандихъ элкъвей чIавуз, Зубера!

Самур вацIу къал къачуда шадвилин,
Куьн кьведанни фикир-хиял садвилин.
Алемни кваз меле гьатда шадвилин,
Вун Ватандихъ элкъвей чIавуз, Зубера!

Лагьай чIал туш, пашман я вун хъфейла,
Дуьнья гьинай чир жеда чун тефейла?
Заз шад жеда ви гьар са кар туькIвейла,
Вун Ватандихъ элкъвей чIавуз, Зубера!

Сажидинни т1имил хьанач патарал,
Чин чуьхвена Аму-Дарьял ятарал.
Гьар са емиш дуьзмиш жеда тарарал,
Вун Ватандихъ элкъвей чIавуз, Зубера!
Куьн ихтиярдалди и шиир за куьн са шикилни галаз Стихи рудизни рекье твада. Де мад сагърай, зи бике руш Зубера. Квехъ галаз таниш хьайит1а, за жув еке бахтунин сагьибдай гьисабда.

Сажидин Саидгасанов 4   14.06.2014 13:28   •   Заявить о нарушении