Гада:
И гуьруьш за гуьзлемишиз,
Са варз хьана, чан кlаниди.
Акунмазди вун, вилериз
Экв хтана, чан кlаниди.
Руш:
Даим хьана пенжердал зун,
Ви гелериз килигиз,шез.
Амма сенфиз ахварай вун
Акуна заз, зи кьилив къвез.
Гада:
Хийирдиз хьуй ви ахварар,
Ингье, гуьзел, зун атанва.
Жедайбур хьуй шад хабарар!
Зи шадвилив рик1 ацlанва.
Руш:
Ви гафари зи рик1 михьиз
Муьгьуьббатдив ацlурнава.
Аквар гьалда, и заз течиз,
На зи гьессер юзурнава.
Гада:
Икьван гуьзел дуьнья на заз
Багъишнава, чан кlаниди.
Йифиз-юкъуз ширин рахаз
Кlанзава заз, чан кlаниди.
Руш:
Ви гъавурда гьатнава зун:
Ваз рикlивай кlанзава зун.
Зав це ви гъил, бахтлу я чун,
Заз виридлай багьа я вун.
"Билбил " ктабдай.
Гуьруьш
© Copyright: Владик Батманов, 2014
Свидетельство о публикации №114060808316
Свидетельство о публикации №114060808316
Рецензии
Куьн квез гила, кьисмет хьурай..
Ахвар кьилиз,акъаткурай..
Чандин дердер,акъаткурай..
Гзаф ви чан,рик1 шад хьурай.
Лап хъсан шиир я чан.! Н.М.
Назиль Махмуд 76 20.06.2014 16:46 • Заявить о нарушении
Ахвар кьилиз,акъаткурай..
Чандин дердер,акъаткурай..
Гзаф ви чан,рик1 шад хьурай.
Лап хъсан шиир я чан.! Н.М.
Назиль Махмуд 76 20.06.2014 16:46 • Заявить о нарушении
Сагърай, сагърай , чан Назила
Ярдал ала зи вил гила...
Гьич са куьнин дад гузамач
Гегьенш дуьнья аквазамач.
Ярд вилерай заз и дуьнья аквазва,
Тек са адав зун гьамиша рахазва...
Владик Батманов 11.08.2014 12:38 Заявить о нарушении
Ярдал ала зи вил гила...
Гьич са куьнин дад гузамач
Гегьенш дуьнья аквазамач.
Ярд вилерай заз и дуьнья аквазва,
Тек са адав зун гьамиша рахазва...
Владик Батманов 11.08.2014 12:38 Заявить о нарушении