Зи жегьил дуст - хуьруьгви Расимаз
Бубад къилих, дидед къамат кьизил тир,
На лугьун ам багьа къаш, са къизил тир,
Вилик гуьзел уьмуьр галай жегьил тир,
Са руш я ам, акьул дерин Карима.
Тай-туьшерин арада вун са цуьк я.
Диде патал хура авай са рикI я.
Чун паталди вун билбилдин са нуькI я,
Ви чина чаз такуй серин, Карима.
Фадлай халкьдин рикIик квай са кIвалах тир,
Уьрендин яд, Абу-Земзем булах тир,
Гьа булахдин цив гвай гуьзел дамах тир,
Чан шуьрбетдин дад тир ширин, Карима.
Шаир буба Сажидиназ цуькведин,
Руш хьиз я вун хайи лезги уьлкведин.
Чирвал авай, камаллу тир бикедин,
Руш хьурай вун Хуьруьг хуьруьн, Карима.
Карима
© Copyright: Сажидин Саидгасанов 4, 2014
Свидетельство о публикации №114060505924
Свидетельство о публикации №114060505924
Рецензии