Ахцегь шегьер къеле ятIа,
Шарвилидиз макан хьанвай?
Ам Шагь дагъдин келле ятIа,
Пак ксарал кьакьан хьанвай?
Амма ина пагьливанриз,
Ксар ава ухшар авай.
Сейр къугъвадай чи жаванриз,
Макан я им рушар авай.
Гьам дишегьли, гьам манидар,
Кутадай рикIик гъалаба,
Са кас ава рикI тушир дар,
ТIварни вичин я Рибаба.
Яб гайила адан ванциз,
Са затIни туш билбилдин сес.
Сажидин кьий вичин мециз,
Хкажзавай рикIин гьевес.
Манидарар мад акуна,
Рибабадив къведай кас жеч.
Адахъ авай ад акуна,
Ам хьтин са гуьзел свас жеч.
Я Сажидин акъваз санал,
Са вун яни ам акур кас?
Куьн чIалахъ жеч кьуртIа кьинал,
Ам хьиз рикIи жеч чIагур кас.
Рибаба
© Copyright: Сажидин Саидгасанов 4, 2014
Свидетельство о публикации №114060505525
Свидетельство о публикации №114060505525
Рецензии