Атир галай са гуьл я вун,
Шаирдин рикI, гуьгьуьл я вун,
Пак гьиссерин са гьуьл я вун,
Муьгьуьббатдин къуш, азизди.
Ви акунрик квач са нукьсан,
Къилих къизил, гьакьван масан,
Ви къаматдал я зун гьейран,
РикIиз гзаф хуш, азизди.
ХупI гуьрчег я а ви вилер,
Тешпигь я ваз къизилгуьллер,
Чи алакъа, рафтарвилер
Тахьурай гьич буш, азизди.
Кагьул жедач хана ахвар,
Теснифда за вакай чIалар,
Ихтияр це, лугьун ваз яр,
СтIалжуван руш, азизди.
Азизди
© Copyright: Ибрагимов Магамед, 2014
Свидетельство о публикации №114053006032
Свидетельство о публикации №114053006032
Рецензии